Happiness and peaceful life

 છું હું સૃષ્ટિના સર્જનહારનું સૌથી સુંદર સર્જન, છતાં પોતાના અસ્તિત્વ, સંરક્ષણ, અને સ્વાભિમાન માટે લડુ છું. ઘરના સમ્રાજ્યની સાથે દુનિયાના દરેક ક્ષેત્રે પહોંચી, છતાં કુળદિપક ના હોવાના મહેંણા સાંભળું છું. કેટલીય શારીરિક પીડાઓની સાથે નિભાવું છું ફરજો, છતાં નિર્બળ કહેવાઉં છું. શક્તિની વારસદાર બની ખીલવું છું જીવનરૂપી પુષ્પ, છતાં અબળા કહેવાઉં છું. સૌને હૃદયના તાંતણે બાંધી, લાગણીઓના રંગો ભરી ઘરનું નિર્માણ કરું છું, છતાં જાતને ખીલવવા અનેક સાબિતીઓ આપું છું. સ્ત્રીને ભલે શારીરિક રીતે નબળી માનવામાં આવે, પણ, ઈશ્વરે તેના ઘડતર સમયે તેને માનસિક મજબૂતાઈ આપી છે, જો અંદર રહેલી શક્તિને સમજવામાં આવે, તો સ્ત્રી પોતાની જાતને વધારે મજબૂત બનાવી શકે છે. સમાજમાં હજુ પણ સંતાનમાં દીકરો જ જોઈએ એ માનસિકતા ઓછી નથી થઈ, દીકરીને લોકો જન્મ આપતા થયા છે, સ્વીકારતા થયા છે, પણ, ફક્ત દીકરી કે દીકરીઓ હોય તો, લોકો એ માતા-પિતાને બિચારાની નજરે જુએ છે. દીકરો એટલે તારણહાર, દીકરો એટલે સક્ષમ, દીકરો એટલે કુલદીપક એવું માનતા લોકો દીકરીને અક્ષમ, નબળી માનતા હોય છે. એ અક્ષમ અને નબળી એટલા માટે છે કે આપણે એને નબળી બનાવી દીધી છે. જો તેની ...

  નીતિથી કાર્ય કરો, આવડતનો સાચી દિશામાં ઉપયોગ કરો, પોતાની સાથે બીજાનો પણ ઉદ્ધાર કરો, શક્ય તેટલું માફ કરતા શીખો, જરૂરિયાતમંદને સાચા અર્થમાં મદદ કરતા રહો, સત્યના માર્ગે ચાલો, નિસ્વાર્થભાવે ફરજો નિભાવો, છતાં, તમારા જીવનની ઈર્ષ્યા થતી હોય, તો, ક્ષતિ આપણામાં નહીં, બીજાની દ્રષ્ટિમાં છે. જે પોતે પવિત્ર છે, તેને પ્રગતિમાં મહેનત દેખાશે, ને સાચા હૃદયથી શુભેચ્છા આપશે. પણ, જે તમારા સાચા માર્ગે, કોઈને હાની પહોંચાડ્યા વગર થયેલી પ્રગતિમાં પોતે પાછળ રહી ગયા એવો ભાવ અનુભવે અને તેના માટે જવાબદાર તમને જ ઠેરવે તો એ એમનો ઈર્ષાભાવ છે. સાચા માર્ગે થયેલી પ્રગતિથી કોઈને પરેશાની થતી હોય, તો તેની સમસ્યા છે. આપણી નહીં. છતાં, આપણે આપણું આત્મનિરીક્ષણ કરતા રહેવું કે ક્યાંક મારાથી કોઈ ક્ષતિ નથી રહી ગઈ ને? આ જગતમાં બધા આપણાથી ખુશ રહે એવું જરૂરી નથી. લોકો ભગવાનને પણ દોષી ઠેરવે છે, તો આપણે તો પામર મનુષ્ય છીએ. શ્વાસોને મુક્તપણે જીવો, મજા કરો અને આપણા વ્યક્તિત્વથી સૌને મજા કરાવો. આ જીવન જીવવા મળ્યું છે, તો શા માટે તેને ખુશીથી વધાવીએ નહીં. ખાલી હાથે આવ્યા હતા ને ખાલી હાથે જ જવાનુ છે, જે રહી જશે તો એ ફક્ત ...

  પદ, પ્રતિષ્ઠા ને પૈસો છે અપાર, પણ, ના કર્યું ક્યારેય કોઈનું કલ્યાણ. ના કેળવ્યો મળ્યું છે તેમાંથી આપવાનો ગુણ, સ્વાર્થપણું સાધી બનાવ્યું મનને મલિન. આદરી શોધ ઈશ્વરે માનવતાની, થયા દુઃખી વેર-ઝેર ને ઈર્ષ્યાને સઘળે દેખી. નિહાળ્યો જેનામાં સર્વહિતનો વિચાર, વરસ્યા આશિર્વાદ તે વિશાળ મનના માલિક પર.          ક્યારેક કોઈ અત્યંત જરૂરિયાતમંદ હોય, છતાં પોતાનું દુઃખ ભૂલી બીજા માટે કોઈ પણ રીતે શ્રમથી કે સમયથી, મનથી કે વાણીથી કે તેની પાસે જે કાંઈ પણ છે તેમાંથી ઉપયોગી થતું હોય, ત્યારે સમજવુ કે દુનિયામાં માણસાઈ હજુ જીવિત છે. પણ, જયારે પદ, પ્રતિષ્ઠા ને પૈસો હોવા છતાં મન અત્યંત સંકુચિત હોય, સક્ષમતા હોવા છતાં મહેનતુ છતાં અક્ષમ હોય તેના અભાવનો મનમાં વિચાર ના જાગે, ક્યારેય કોઈનુંય તસુભાર સારૂ કર્યુ હોય, તો તેના ગુણગાન ગાતા જીભ ના થાકે તેવા લાગણીવિહીન યંત્રવત માણસ નથી જાણતો હોતો કે અહીં કશુંય કાયમી નથી. બધી વસ્તુઓની ગણતરી માંડતો માનવી દયાભાવ દાખવવામાં પણ કંજુસાઈ કરે છે. તેના મુખેથી બે મીઠાં વેણ પણ નથી નીકળી શકતા, કે જે સામે રહેલા વ્યક્તિની વિકટ પરિસ્થિતિમાં શાતા આપે. સતત સ્વા...