Good deed from heart are real capital of life.
સ્વની સાથે જયારે સર્વનો વિચાર કરીએ ત્યારે આપોઆપ મન આનંદ અનુભવે છે. જયારે ફક્ત સ્વના સુખનો જ વિચાર કરનારના મનને સતત ફરિયાદો જ હોય છે, કંઈક ને કંઈક ઘટતું જ હોય છે. સ્વ સુખ માટે અન્યને નુકશાન કરનારનું મન સતત અજંપા અને ડરમાં જ રહે છે. બધુ મેળવીને ડરમાં-અજંપામાં રેહનાર કરતા બધુ આપીને, આનંદમાં રેહનાર વધારે સુખી છે. જેમને જીવનમાં બધું જ મળેલું હોય, છતાં ફરિયાદો જ હોય, તેઓ ક્યારેય ખુશ નથી રહી શકતા. કેમકે, તેઓ બીજાની સરખામણી કરીને જે નથી મળ્યું એનું દુઃખ વાગોળ્યા કરે છે. તમે જો બીજાની સરખામણીથી જીવનને જોતા હોય તો, બીજાને શું નથી મળ્યું જીવનમાં એ પણ જોવું જોઈએ. કેમકે, બધાને બધુ નથી મળતું. પણ, દુઃખી માણસ સર્વસ્વ હોવા છતાં, ત્રુટિઓ જે હકીકતમાં હોતી નથી, એ વિચારીને દુઃખી થયા કરે. આપણી પાસે રહેલા સ્ત્રોતો કે શક્તિમાંથી સાચી રીતે બીજાને ઉપયોગી થઈએ ત્યારે મળતી ખુશી અલગ જ હોય છે. એમાં સ્વની સાથે સર્વના સુખનો ખ્યાલ સમાયેલો છે. ઘણા લોકોને ફરિયાદ કરતા સાંભળીએ કે, "આજના વ્યસ્ત અને મોંઘવારીના સમયમાં અમે અમારું નથી કરી શકતા, એમાં બીજાનું કઈ રીતે કરવું." એમની વાત પણ સાચી છે. પણ, અહીં બીજાના સુખ મા...
